Familia inguruneko zaintzaileen ongizatea: Sendian Programa.

Laburpena

Bizi-itxaropenak gora eta jaiotze-tasak behera egiteak biztanleria zahartu bat izatea dakar, eta, ondorioz, mendekotasunerako arriskuak areagotzea. Familiak, adineko pertsonen zaintzaren euskarri nagusiak, arriskuan jartzen du bere osasun fisikoa eta psikosoziala prozesu horretan. Gipuzkoako Foru Aldundiak behar horiei erantzuten die eta zaintzaile horien ongizatea bermatzen du, Sendian Programaren aldeko apustua eginez. Izan ere, programa horrek banakako babes psikologikoa eta laguntza-taldeak eskaintzen ditu zaintzaileen osasun psikikoa, emozionala eta soziala hobetzeko. Lan honetan, Sendian Programaren erabiltzaileen profila erakusten da eta zaintzaren alderdi positibo batzuk aztertzen dira. Gaur egun, eredu tradizionalari jarraituz, zaintzailearen gehiengoak emakumezkoak dira, nahiz eta gizonezkoen presentzia areagotuz doan. Erabiltzaileek zaintzaren aspektu negatiboak eta positiboak identifikatzen dituzte (azken horien artean, poztasun maila handia eta zainduarekiko gertutasuna, adibidez), baina laginaren % 17k zaintzaren alderdi negatiboak bakarrik jasotzen ditu. Horrek, etorkizunera begira, aurre egin beharreko erronka bat planteatzen digu, eta horri dagokionez, Sendian Programaren prebentzio-balioa nabarmendu dezakegu.

Hitz gakoak

Personas mayores,Dependencia,Cuidador informal,Necesidades,Bienestar,Apoyo psicológico,Servicios de apoyo,Características servicio,País Vasco,Gipuzkoa,España