Behatuz, Euskadiko Gizarte Zerbitzuen Behatokiaren helburua da gizarte-zerbitzuen kalitatea bermatzeko eta hobetzeko beharrezko neurriak sustatzea.
225/2011 Dekretuan (EHAA, 2011/11/14) zehaztutako egitura funtzionalarekin bat etorriz, Behatuz-ek lau atal nagusi ditu:
Ikertuz
Gizarte-zerbitzuen arloko azterketa eta ikerketa atala. Honako hauek biltzen ditu:
- Testuinguru sozioekonomikoari, gizarte-beharrei eta Gizarte Zerbitzuen Euskal Sistemari buruzko datu-bankuak.
- Berdintasun, Justizia eta Gizarte Politiketako Sailak bultzatutako ikerketa-proiektuak, argitalpenak eta plangintza- eta ebaluazio-dokumentuak.
Ezagutuz
Gizarte-ezagutza eta -informazioari buruzko atala. Honako hauek biltzen ditu:
- Gizarte Zerbitzuen arloko liburutegi espezializatua.
- Zerbitzuan, gizarte-zerbitzuetan eta -politiketan espezializatutako aldizkaria.
- Euskal Autonomia Erkidegoko gizarte-zerbitzuetako erakundeen eta zentroen direktorioa.
- Gaurkotasunari buruzko informazioa, hala nola agenda, hemeroteka eta legeria.
- Behatuz Topaketak, Gizarte Zerbitzuen Euskal Behatokiak antolatutako jardunaldiak
Berrituz
Gizarte-zerbitzuetako berrikuntzari buruzko atala. Honako hauek biltzen ditu:
- Lehen mailako arretako berrikuntza-plataforma.
- Berdintasun, Justizia eta Gizarte Politiketako Sailak sustatutako berrikuntza-proiektuak.
Gizarteratuz
Gizarte-zerbitzuei buruzko analisiaren eta gaurkotasunaren argitalpen digitala.
Ikerketen laburpen bisualak, aipamenak, dosier tematikoak eta ikus-entzunezko edukiak biltzen ditu.
Behatokiaren zuzendaritza Eusko Jaurlaritzako Gizarte Zerbitzuen Zuzendaritzari dagokio, Gizarte Zerbitzuei buruzko abenduaren 5eko 12/2008 Legearen 77. artikuluan aurreikusitakoarekin bat etorriz. Hala ere, Behatokiaren kudeaketa Behatokiaren hainbat zerbitzu eta produktu garatzeko eta egiteko adituak diren hainbat eragileren laguntza izan dezake.
Beste behatoki eta baliabideak
Behatuz Euskadiko gizarte-arloko ezagutza kudeatzeko ekosistema baten parte da. Gizarte Zerbitzuen Euskal Behatokiarekin batera, Berdintasun, Justizia eta Gizarte Politiketako Sailak behatoki eta baliabide hauek bultzatzen ditu: