Immigrazioari buruzko II. Euskal Plana 2007-2009

Immigrazioari buruzko Euskal Politikak immigrazio-planen inguruan egituratzen dira. Immigrazioari buruzko I. Euskal Plana 2003tik 2005era egon zen indarrean, eta lehen ahalegina izan zen migrazio-errealitatea administrazio publikoen eguneroko lanean txertatzeko, zeharka edo berariaz, bai eta etorkinei zerbitzu publikoetarako sarbidea (osasuna, hezkuntza, etab.) hobetzeko eta errazteko hasierako urratsak ere, bertako biztanleen baldintza berberetan.

EAEko migrazio-errealitatearen kudeaketari jarraipena emateko asmoz, Immigrazioari buruzko II. Euskal Plana aurkeztu da. Berdintasun, erantzukizun publiko eta erantzukidetasun sozialaren, sexuagatiko diskriminaziorik ezaren eta parte-hartzearen printzipioetan oinarrituta, Euskal Administrazio Publikoaren maila guztiak (Eusko Jaurlaritza, Foru Aldundiak eta Toki Erakundeak) integrazio-helburua lortzeko inplikatzen ditu.

Plana atal batzuetan egituratuta dago, eta atal horietan EAEko immigrazioaren errealitatea, arau-esparrua, Planaren oinarri diren oinarrizko kontzeptuak, 13 jardun-arlotako zati operatiboa eta, amaitzeko, Planaren koordinazioa, jarraipena eta ebaluazioa lantzen dituen atala deskribatzen dira.

• Immigrazioari buruzko II. Euskal Plana 2007-2009