Herritartasunaren, immigrazioaren eta asiloaren kulturarteko VI. Plana 2022-2025

Herritartasunaren, Immigrazioaren eta Asiloaren Kulturarteko VI. Plan honek (2022-2025) aurreko Herritartasunaren, Kulturartekotasunaren eta Immigrazioaren Esparruan Jarduteko V. Planak (2018-2020) ezarritako ildoari jarraitzen dio. Hala, ibilbide ertain eta luzeko lan-ildo estrategikoak ezarri nahi ditu, aurreko planaren esparruan hasitako ekimenei jarraipena emate aldera.

Nolanahi ere, VI. Planak beste urrats bat egin nahi du, eta aurrez finkatuta dauden ildoetan sakondu nahi du. Horretarako, nazioarteko migrazioen eta asiloaren esparruan Kultura Aniztasuna Kudeatzeko Euskal Ereduaren eraikuntzan aurrera egin nahi du, eredu horrek aldaketa demografiko, ekonomiko, sozial eta kultural handia ekarri baitu. Eta hori guztia kulturartekotasunaren estaldura kontzeptual zehatzaren mende egingo da, gero eta kultura-aniztasun handiagoaren kudeaketa arrakastatsurako aukerarik demokratikoena den heinean.

• Herritartasunaren, immigrazioaren eta asiloaren kulturarteko VI. Plana 2022-2025