Aporofobia: zaharrak berri? Kontzeptuaren bilakaera eta gainditzeko estrategien bila; hezkuntzarentzako erronka.

Laburpena

Aporofobia pertsona pobreei edo babesgabetasun egoeran daudenei diegun beldurra eta errefusa azaltzeko erabiltzen da. Azken urte honetan eta 2017ko abenduan RAEk bere hiztegian sartu zuenetik, hainbat idatzietan azaldu den hitza da. Kontzeptua eta mugatu nahi duen errealitatea, ordea, ez da batere berria: pobretuenenganako aurreiritzi eta estereotipoak bereizi nahi ditu, beste giza taldeenganakoetatik. Artikulu honek bi atal nagusi ditu: lehenean, hitzarekin jolasean aritu gara, zehaztu nahi duen kontzeptuarekin eztabaidan: zer da aporofobia, zergatik ematen da gurean, ze ondorio ditu guregan eta pobretuenengan. Horretarako, ezinbestekoa da pobrea eta pobretuaren arteko muga lantzea eta egoera horien guztien erruak edo ardurak norenak diren aztertzea. Bigarren atalean, berriz, arbuiatze-jarrera horien aurka ekiteko hezkuntzak duen erronka azaldu nahi dugu. Aurreiritzien eta estereotipoen eraikuntzan pentsamenduen, emozioen eta jokabideen elkar eraginak zerikusia duenez, horiei aurre egiterakoan, hiru ezagutza mota landu beharko ditugu: jakintza, ekintza eta izatea. Atal honetan, aporofobiaren aurka ekiteko Deustuko Unibertsitateko Gizarte Laneko ikasketetan egiten dugun esperientzia kontatuko dugu, ikasleen ahotsak entzunez.

Hitz gakoak

Exclusión social,Pobreza,Discriminación,Actitudes sociales,Fobias,Educación,Trabajo social,País Vasco,España