Laburpena
Euskal biztanleriaren egiturak errotiko aldaketak izan ditu azken bi hamarkadetan. Adineko pertsonei zuzendutako gizarte-politikak 60 urte eta gehiagoko egungo belaunaldiek dituzten eskaera eta behar berrietara egokitu behar izan dira. Osasuna eta ohitura osasungarriak hobetzeari esker, bizi-itxaropena handitu egin da. Pertsonak duela hamarkada batzuk baino askoz ere baldintza fisiko hobeagoetan iristen dira lan-erretiroa hartzeko adinera, eta bizitzako etapa hori proiektu berriei ekiteko aukera gisa hartzen hasi da, osasun fisikoa eta mentala zaintzeari denbora gehiago eskaintzeko, eta aurreko bizitzan egin ezingo liratekeen jarduerak egiteko aukera gisa.
Euskadi Lagunkoia Sustraietatik tresna eraginkor bat da, pertsonei eta komunitateei bizi-kalitatea hobetzeko duten potentzial guztia ustiatzen eta gizartean parte hartzen laguntzen diena, beren behar, nahi eta gaitasunen arabera; aldiz, laguntza, babesa eta segurtasuna ematen die, eta mugimendu horren muin eragile bihurtzen dira, proiektuaren garapenaren protagonista, eredu eta lider izanik.
Euskadi Lagunkoia Sustraietatik, erantzukizun pertsonala, belaunaldien arteko topaketa eta elkartasuna sustatu eta orekatu nahi ditugu, baita ingurune mesedegarriak sortu ere. Horretarako, ezinbestekoa da inplikatutako eragile guztiak jokoan jartzea, ez bakarrik kontuan hartu ohi ditugun sektoreak – osasun-sistema eta gizarte-zerbitzuak –, baita hezkuntzari, lanari, etxebizitzari, garraioari, gizarte-segurantzari, justiziari eta landa eta hiri garapenari dagozkienak ere, haien jarduera erabakigarria baita herritarren bizi-kalitatea bermatzeko.
Hitz gakoak
Personas mayores activas,Calidad de vida,Ocio,Accesibilidad,Transportes,Vivienda,Voluntariado,Acción comunitaria,Experiencias,Planes locales,Estudio de necesidades,Metodología,Nivel local,Indicadores,Evaluación de servicios,Manuales de procedimiento,País Vasco,España