Ekimen horrek, enpleguaren eta gizarte-ekintzaren bidez, bakarrik dauden eta laguntza behar duten adinekoei laguntzen die sei hilabetez. Programaren bidez, pertsona batzuek duten laguntza-premia sozialari erantzun nahi zaio, eta pertsona horiek haiekin hitz egiteko, paseatzeko, irakurtzeko, kartetan jolasteko edo erosketak, kudeaketa medikoak edo banku-gestioak egiteko edo ekitaldi sozial edo kulturaletara joateko jarduerak proposatuko dizkie. Horren guztiaren helburua da bizi-baldintzak hobetuko dituen zahartze aktiboa sustatzea, laguntza-sareak sortzea eta adinekoen gizarte-ingurunea indartzea, gizarte-isolamenduari aurre eginez.
Gizarte-ahultasun egoeran dauden udalerriko pertsonen harreman-integrazioko eta babeseko beharrei erantzuteko, Elorrioko Udalak Herrizaintza proiektua jarri du abian, gura gabeko bakardadean dauden pertsonentzako zaintza komunitarioa.
Elorrio 2022
Euskadi Lagunkoia Berdintasun, Justizia eta Gizarte Politiketako Saila sustatu eta Matia Fundazioak abiarazitako ekimena da eta bere helburua adinekoek eta, oro har, herritarrek Euskadiko udalerriak hobetzen parte har dezatela bultzatzea da, zahartu ahala nork bere bizimodua izaten jarraitu ahal izateko.
Euskadi 2012
Proiektuak HARIAK – Bakardadeen aurreko Gipuzkoako Estrategian adierazten diren jarduerei erantzuten die, pertsonek bizi, zeharkatu eta erabiltzen dituzten espazio fisikoak (etxebizitzak eta hirigintza) eraldatzeko helburu nagusiarekin.
Gipuzkoa 2021
Nahi ez den bakardadearen aurka borrokatzeko proiektua, prebentzio-ikuspegi batetik.
Laudio 2021
Adinkide elkarteak proposatutako eta Adinberrik diruz lagundutako proiektua da.
Gipuzkoa 2018
Auzokide Bikainak izeneko ekimenak harremanetan jartzen ditu auzoko adinekoak askotariko adinetako pertsonekin, lagunak egiteko, elkarri laguntzeko eta auzoko jarduerez elkarrekin gozatzeko.
Donostia-San Sebastián y Pasaia 2018